User profile

狗狗今年3歲，他叫alien，一隻非常活潑可愛的狗狗，正因為這樣經常周圍跳上跳落，很唔好彩，前日突然唔願行，又唔肯食嘢同飲水，開頭諗住佢鬧情緒，直到今日，見到佢行既時候，兩隻後腳拖住尼行，企又企唔到，再睇到尿板，已經足一日無大小二便，於是便即刻去睇醫生，開頭係去一間私家醫院，初步確診為椎間盤突出，要做磁力共震檢查，但單這一部分已經要3萬多，醫生話連手術睇埋要做幾多節椎，價錢要7至10萬，而且醫生講到唔可以拖，話狗狗神經線被壓太久，即使做手術都無用，但本人跟本無能力負擔，所以只能離開。 回家後望住alien唔肯飲水，唔肯食嘢，唔肯行，就算行都係拖住後腳尼行，個心真係好痛，於是上網繼續搵資料，搵到太子有一間非牟利既竉物診所，所以今天亦請假帶同alien去見醫生，診症一樣，但價錢平了一倍，開價5萬3，要求再評估價錢，最後同主席溝通後都要46000，我諗唔到都係咁貴，我好希望alien可以快啲好返，希望有心人可以幫忙救救alien, 相片亦有報價單，此籌款成功與否，都多謝大家既支持