Save A Heart Campaign for Mama Jean

Mabuhay! Ako po si Jeanniel, 25 years old. Nais ko po sanang humingi ng financial assistance para aking mama na si Jean E. Villanueva, 54 years old. Si mama po ay na-diagnose na may:

Hypertensive Cardiovascular disease, 1 vessel Coronary Artery Disease, Sinus Rhythm, NYHA Functional Class I at Diabetes Mellitus Type 2 Chronic Kidney Disease on Hemodialysis

Kasalukuyan po kaming naka-admit sa Philippine Heart Center (PHC) mula July 19, 2018. Kami po ay inendorse na mag-undergo Coronary Artery Bypass Grafting (CABG) with Double Valve Replacement, Mechanical. Ang schedule po ng operation ay sa August 2, 2018.

Ang estimated cost po ng operation ay P1.2M. Requirement po ng ospital na magdown ng P450K bago makapagpa-schedule ng operation. Sa tulong po ng Medical Services ng PHC, pumayag po ang ospital sa 332K na LOA bilang down payment mula sa Flexicare (HMO) ngunit ito na po ang maximum benefit limit na maaari naming gamitin. Na-consume na rin po ni mama ang kanyang Philhealth benefits dahil sa 3 times a week nyang dialysis.

Nais ko po sanang humingi ng financial assistance para sa operasyon ng mama ko. Si mama po ay single parent. Dalawa po kaming magkapatid na nagtutulong para sa kanya. Unfortunately, sya po ay naapektuhan ng “Endo” at tanging ako na lamang ang natirang sumusuporta sa aming pamilya.

Ayon po sa mga doktor at resulta ng mga tests, napakataas po ng risk ng operation gawa ng Kidney failure at status ng puso nya. Doble na ang laki ng puso ni mama samantalang 37% na lamang ang ejection fraction o pressure ng pagtibok nito. Dahil dito, halos patay na at hindi na gumagalaw ang 1/4 ng puso nya. Ang natitirang 3/4 naman ay may severe na pamamaga. Sira na rin ang dalawang valve ng puso nya kaya patuloy ang leakage ng dugo sa kanyang lungs imbes na masupply ito sa iba't ibang sistema ng katawan. Patuloy syang hinihingal at nahihirapang huminga.

Anytime, maaari syang macardiac arrest. Alam naming hindi namin afford ang ganitong klaseng operasyon. Hindi na rin kinaya ng savings. Ngunit kami po ng kapatid ko ay nangakong gagawin ang lahat para sa ikagagaling ng mama namin. Siya po ang pinakaimportanteng tao sa buhay namin. Sa kanya po nanggagaling ang lakas namin. Si mama po ay patuloy na lumalaban gayundin po kami.

Maraming salamat po sa kahit anumang tulong na maipagkakaloob nyo po sa aming pamilya.

Jeanniel V. Reyes

BPI savings account

Mandaluyong Branch

Account# 0189265972

God bless us all.