香港眾志應急資金籌募

注意：是次籌募以美元計算。

中共即將趁兩會決議，或將於短期內殖入香港《基本法》，在本港直接執行。

相比手足的付出，眾志上下面對的，實在微不足道。我們絕不後悔投入國際戰線，且絕不退縮，繼續和大家並肩作戰！

面對拉人封艇的威脅，眾志或需要「留一口氣，點一盞燈」。就最新形勢，眾志現正籌集應急資金，以備不時之需並將妥善保管，使我們在最危急的時候仍能延續國際戰線血脈，戰鬥不息。

—————————-

香港眾志秘書長 黃之鋒：

【堅持下去，並不是我們真的足夠堅強，而是我們別無選擇。】

係。我知今晚大家都驚、亦會擔心；我呢刻都會諗，到底國安法通過之後，香港會變成點？又有幾多人會被告？會取締幾多組織？拉人封艇去到咩程度？會唔會送中？被捕或入獄，自己都尚算有過幾次經驗；但後者會瘋狂到乜野程度，甚至幾個月後自己會喺邊，其實未必向身邊既人交待到。

我諗都無謂強作樂觀，睇完今晚人大個記招，大家都心知肚明，今鋪「港版國安法」，根本就係為國際戰線手足度身訂造。北京務求中斷我地累積到最能夠著力既國際線往績同工作，眾志必定係打擊對象。

今日資訊量多到唔識點俾反應，又或者都唔太知下一步點樣行落去。呢種情緒，於網絡世界感受到。下午起連登網友叫我著草既Post，我都睇到。喺Telegram群亦有好多網友Tag我，朋友定記者都有問過我，但對我來講，答案都好簡單：「唔走」。

其實比起好多手足的付出，自己所承擔的風險實在微不足道。比起受傷、受困或漂零海外，自己挨區區百日刑期又算得係啲乜？

暴風雨前的寧靜，總係令人大家感到更鬱悶同埋吃不消。無錯，中共擺明係想消滅國際戰線，將我地一網打盡。但身邊既人點勸都好，我都覺得，我有責任去堅守呢個崗位，為延續國際線繼續創造應有既可能性，實在無放棄的理由。我從無後悔推動《香港人權民主法案》，即使有一日呢個要成為我地嘅罪名，消滅我哋嘅藉口，眾志都會以投入國際戰線為榮。

灰，人之常情。我到依家都未消化到，但我仲想同大家一齊頂落去。我好想繼續同大家作戰到底，呢場仗打左一年都未夠，我絕對唔想退場成為我既一個選項。民主運動來到現在的關口，就係考驗我地意志的時刻。

儘管拉人封艇，取締不再被視作空中樓閣，留一口氣，點一盞燈，至少設立後援儲備，延續國際戰線血脈。

存亡號召，絕不撤退。