User profile

「流學生」要接受翻屋企條路係遙遙無期嘅事實，短時間內都冇辦法再同家人團聚。佢地普遍並唔喺出身於富裕家庭，冇錢亦都冇BNO，有部分甚至係第一次出國。有啲手足因為驚離開嘅途中會發生意外，而唔夠膽同屋企人講，所以暪住屋企人就咁無聲無息離開。 係佢哋離境既一刻，就要靠自己面對未來發生嘅所有問題。 而家呢班「流學生」已經係一嗰冇身份嘅人，翻唔到香港亦都冇外國護照，地球另一邊嘅「流學生」就係一個無依無靠嘅城市每日都面對住因為冇身份而引起既種種麻煩，佢地要計手上嘅錢夠搭幾多次車去整visa，點樣維生，同埋點樣盡快聯絡到當地嘅手足協助自己解決簽證問題。仲要煩惱未來條路應該要點行。 當中有「流學生」喺香港嘅户口已經被凍結無辦法喺海外提款導致要流浪街頭。 有「流學生」患抑鬱要長期服藥，但因為冇身份而唔可以去睇醫生，導致病情惡化。 最嚴重嘅問題係，呢班係香港連學業都未完成嘅「流學生」去到外國，屋企人又俾唔起咁昂貴嘅學費搞Student Visa，佢哋嘅未來前途可謂係一片黑暗。 我曾經問過班「流學生」，其實你哋後唔後悔踏上呢條路，而佢地想用行動話俾香港人知即使面對失去方向嘅未來，「流學生」仍然冇後悔過光復我城，直到呢一刻佢地都為住公義民主自由而奮鬥，於所以唔希望喺香港嘅手足就咁洩氣。 面對去外國既「流學生」越黎越多既時候我哋需要一筆起動資金去擴展服務，我哋希望未來能夠係台灣及英國各自設立香港人同鄉會，並聘請當地嘅香港「流學生」負責營運同鄉會仲有電子外賣平台令呢班「流學生」可以自己「賺學費」。 呢嗰同鄉會主要以香港人聯絡感情，提供助學金予優秀「流學生」，其他服務包括 1. 協助「流學生」配對寄宿家庭 2. 創造及發掘更多適合遠端工作嘅就業機會及提供職業培訓 3. 提供當地簽證顧問服務 4. 開展文娛活動團結當地香港人 最後我地想喺到鄭重向各位Patron，曾經捐款支持我地嘅家長，係連登同Facebook上幫手推Post share嘅朋友講聲多謝，冇你地嘅支持我地什麼都不是。