Shelter for my Family

Ako po si Aljon Bernardo na may kababaang loob na lumalapit sainyong may mabubuting puso at kalooban upang makalikom ng halagang kailangan namin upang matugunan ang emergenecy na pangangailangan ng aking mga magulang sa pagpapagawa ng aming bahay.

Kasalukuyan pong ginagawa ang aming bahay sa Brgy. 9, Mamburao, Occ. Mindoro matapos itong mawasak ng Bagyong Quinta. Nagkulang na po ang aminng pinansyal na pangtustos sa mga materyales at bayad sa manggagawa. Nakaipon man po kami ng halaga mula sa aming kamag-anak at kaibigan ngunit hindi pa rin po sapat upang makumpleto ang pagpapayari ng buong bahay. Wala na po kaming ibang malapitan.

Naubos na rin po ang naitabing ipon ng aking mga magulang mula sa tindahan na kanilang pangunahing pangkabuhayan. Ako po bilang isang minimum wage earner na empleyado ay hindi rin matugunan ang buong halagang kinakailangan. Ako po ay humihingi ng awa sa inyo na sana kami po ay inyong matulungan. Nagpapasalamat po ako sainyo at sa maibibigay niyo na magdudulot ng malaking tulong at ginhawa sa aming ipinapatayong tahanan. Ako at aking mga magulang ay taos pusong nagpapasalamat sainyo. Pagpalain nawa po kayo ng Poong Maykapal.