Settling the Bills for Mama Judith

Nagsimula ang lahat pagkatapos naming kumain ng hapunan noong ika-22 ng Disyembre ng nakaraang taon. bigla siyang nahilo at muntik ng matumba. Akala namin high blood kaya uminom siya ng gamot ngunit nagsuka siya ilang saglit. Hindi niya magawang tumayo. Kinabukasan nagpasya akong dalhin siya sa ospital sa MakatiMed dahil kailangan niya na ang doktor. Sa ospital nalaman namin na nagkaroon siya ng mild stroke. Nagkaroon ng pamumuo ng dugo sa kaniyang utak. Hindi din bumababa ang dugo dahilan para ilagay siya sa ICU. Muntik din siyang operahan ngunit hindi natuloy dahil madadaan naman daw sa gamutan. Sa umpisa ay bumuti naman kahit paano ang lagay niya ngunit sa lumala ang lagay niya dahil nagkaroon ng ibang kumplikasyon ang sakit niya dahilan para tumagal kami sa ICU ng ospital ng halos isang buwan. Lumala ang kalagayan ni Mama dahilan para di na kayanin ng katawan niya. Tatlong beses tinangkang ibalik ang pulso niya ngunit hininto din dahil hindi na din daw kakayanin ni Mama. Namatay si Mama. Lahat ng gastusin at bayarin sa ospital ay naiwan sa akin. Maging sa burol hanggang sa paglilibing ay akin. Anim kaming anak ni Mama. Panlima ako. Ako lang ang may matinong trabaho. Ako lang ang nag-asikaso kay Mama sa simula hanggang sa huli. Ang bayarin sa ospital ay halos umabot ng isang milyong piso. Napakalaking halaga. Napakaimposibleng bayaran ng isang tulad kong isang guro. Nagkaloob ng ilang mga tulong mula sa ilang sangay ng gobyerno na nilapitan namin at maging sa mga mabubuting tao na nagpaabot ng kanilang tulong ngunit hindi sasapat upang mabayaran ang kabuuang halaga ng bayarin sa ospital. Kaya ako po ay nagbabakasakali na sa pamamagitan ng fundraising na ito ay makalikom ako ng sasapat na halaga upang mabayaran ang pagkakautang sa ospital. Kumakatok po ako sa inyong puso ng tulong at sana po ay pagpalain kayo sa inyong kabutihan. Ano mang halaga ay labis kong ipagpapasalamat! Kung kayo po ay may katanungan maaari niyo akong personal na bigyan ng mensahe sa aking FB account! Ito po ay sarili at personal na pagkukusa at walang anumang kaugnayan o kinalaman sa aking pinagtatrabahuhan. Muli maraming salamat po!