Papa’s Remaining Hospital Bill

Kumusta, kaibigan? Ako si Jingjing, kumakatok sa inyong mga puso upang humingi ng bukal sa kalooban at mula sa pusong tulong pinansyal para sa nalalabing hospital bill ng aking ama na si Victorino Salamanca sa San Isidro Hospital, Angono, Rizal.

Siya ay na-admit sa nasabing Hospital mula October 5 hanggang October 23, 2021 dahil sa mga sumusunod na karamdaman/prosedyur:

1. Community Acquired Pneumonia (CAP) — High Risk

2. Pneumothorax SP Chest Tube Thorocostomy

3. Hypertensive Atherosclerotic Vascular Disease

Dahil dito, umabot sa P844,987.52 ang Confinement Fees (kasama dito ang iba't ibang Cost Center katulad ng Pharmacy, Laboratory Tests, Nursing Services, etc.) at umabot naman P181,312.50 ang Doctors' Professional Fees kaya sa kabuuan, ang final Hospital Bill ay nagkakahalaga ng P1,026,300.02.

Ibinawas sa halagang nabanggit sa itaas ang VAT-Exemp, Senior Citizen Discount, Maxicare(HMO), PhilHealth at aming nakayanang Cash Payment kaya sa kasalukuyan ang aming natitirang balanse sa Hospital Bill ay P484,161.66.

Ako ay dumulog at humingi na ng tulong sa iba't ibang ahensya o organisasyon ng Lokal na Pamahalaan (PCSO, Malasakit Center, Angat Buhay, etc. ) ngunit sa mga oras na ito ay wala pa kaming nakukuhang tugon maliban sa tulong pinansyal na P2,000 cash mula sa tanggapan ng Gonernador ng Rizal na si Hon. Rebecca Ynares.

Anomang tulong ang inyong ipagkakaloob ay buong puso naming tatanggapin at pasasalamatan at paniguradong ibabalik sa inyo ng Ating Panginoon.

God bless your heart! 🙏🏻❤️

- Jingjing -