Medical Assistance

Ako po si Ginang Claudiosa O. Quezada, 67 taong gulang, nakatira sa Kaloocan City. Sumulat po ako para humingi ng tulong pinansyal para sa bayarin sa hospital ng aking asawa na si Solomon B. Quezada. Mayroon po akong pitong anak pero ang kanilang kinikita ay hindi sapat para matustusan ang aming gastusin sa pang-araw-araw sa kadahilanan na meron na rin silang kanya-kanyang pamilya na binubuhay.

Siya po ay naka confine sa Intensive Care Unit (ICU) ng Philippine Heart Center mula pa noong Pebrero 6, 2021 hanggang sa kasalukuyan. Sya po ay na stroke (pagdurugo ng ugat sa ulo dahil sa taas ng presyon) at nagkaroon na po ng komplikasyon sa baga (Pneumonia). Siya po ay lalagyan ng tubo sa kanyang leeg na tinatawag nilang TRACHEOSTOMY para doon sya huminga at maalis na po sa Mechanical Ventilator.

Dahil dito, Ako po ay kumakatok sa inyong puso at nagpapakumbabang humingi ng tulong sa inyong ahensya ng Programang Medikal upang mabayaran ang aming bayarin sa hospital na nagkakahalaga ng Php 1,700,000.00 at ito’y patuloy pang tataas dahil marami pa pong ginagawa sa kanya upang sya ay lubusang gumaling.

Kalakip po ng sulat na ito, ang mga dokumento na nagpapatunay na ang aking asawa ay nasa hospital.

Maari nyo po ako tawagan or i-text sa numerong 0947-8007546 at pwede din po kayo magpadala ng mensahe sa aking email address [email protected] para sa inyong tulong na ipagkakaloob.

Maraming Salamat po.