FOR MARY JOY’s CHEMOTHERAPY

Maayong adlaw!

Ako si Manuelito A. Carillo, usa ka lumulupyo sa Masulog, Cansuje, Argao Cebu. Manoktok ko sa inyong kasingkasing aron mangayog tabang alang sa kaayohan sa akong anak nga i-undergo ug chemotherapy. Ang akong anak nga si Mary Joy L. Carillo nadiagnose ug brain tumor niadtong April 14, 2020 samtang siya naadmit sa Julio Cardinal Rosales Memorial Hospital sa lungsod sa Dalaguete. Niadtong April 17, 2020 girefer siya sa Vicente Sotto Memorial Medical Center tungod kay kinahanglan pa siyang iagi ug daghang laboratory tests. Tuod man, siya naoperahan pag May 2, 2020 sa naingong ospital. Kaluoy sa Ginoo, successful ra iyang operasyon ug siya kasamtangan nga nagpa-ayo karon diri sa Argao. Apan dili lang diri natapos ang tanan, ang resulta sa iyang biopsy kay active/ malignant iyang tumor maong kinahanglan siyang maundergo ug chemotherapy sessions aron mahingpit na ug katangtang ang tumor ug masigurado nga di na kini mobalik. Dili lalim pero kabalo ko nga naa naa pay paglaum nga maayo akong anak. Mao nga karong higayona mangayo ko ninyug gamay nga hinabang financially kay dako-dako nga kantidad ang kinahanglan namo para makompleto ang iyang chemotherapy. Giestimate nga mokantidad ug 200,000 ang magasto sa iyang chemotherapy sessions dala na ang ubang tambal. Kinahanglan masugdan ang iyang chemotherapy karong umaabot May 25, 2020 or June 1, 2020 adto sa Cebu Doctors' University Hospital. Manghinaot ko sa mga naay malumong kasingkasing nga unta inyo kong matabangan sa akong sitwasyon karon. Dako na kaayong tabang kanamo ang ginagmay ninyong mga donasyon.

Daghang salamat ug hatagan unta kamo sa Ginoo ug daghan pang grasya ug maayong panglawas❤🙏🏼

Sa ganahang modonate, palihug kog contact aning numeroha:
Manuelito A. Carillo -09254522685/ 09226009898