Krijimi i rrjetit meteorologjik në Kosovë
Fundraising campaign by
Valdrin Shala
-
€0.00raised of €15,400.00 goal goal
Campaign Story
Prezantim i shkurtër rreth meje
Unë
jam Valdrin Shala, 26 vjeç nga qyteti i Gjilanit. Pasioni im është
Meteorologjia, mirëpo pasi që në vendin tonë nuk ka drejtim të tillë,
unë kam studiuar në universitetin UBT – Menaxhment, Biznes dhe Ekonomi.
Fusha në të cilën kam studiuar nuk ndërlidhet me pasionin tim, por kjo
nuk më ndaloi mua që të merrem me meteorologji. Edhe pse i ri, duke mos
pasur mjete që këtë aktivitet, pra, parashikimin e motit t’a bëj vet,
unë përdori shumë uebfaqe të ndryshme që merren me parashikim.
Që
nga mosha e hershme më tërhiqte mënyra se si leviznin retë dhe si bëhej
parashikimi i motit. Me të vërtetë është shumë interesante pamja
mahnitëse e qiellit, lëvizja e vranësirave dhe shumë faktorë që ndikojnë
në atmosferë, gjë e cila më ka shtyrë të merrem me këtë drejtim. Unë
kam filluar të merrem që nga viti 2008, dhe që nga atëherë e deri më sot
jam entuziast i madh për motin.
Kohë
më parë, përmes kanaleve televizive të Kosovës, kur ishte koha e
transmetimit të motit, isha shumë kureshtar se si e tregonin
parashikimin e motit në vende të ndryshme të botës. Pas disa viteve, më
lindi idea që të themeloj një faqe të tillë meterologjike për qytetin e
Gjilanit në rrjetin social facebook, ku vendosa t’a emërtoj “Moti në
Gjilan” (
www.facebook.com/motinegjilan).
E hapur më 31 Mars 2011, kjo faqe ka për qëllim t’i informojë qytetarët
e Gjilanit lidhur me parashikimin e motit për çdo ditë. Çfarë e bën më
të veçantë pasionin tim, është që tashmë e posedoj “Stacionin Personal
Meteorologjik”, (Personal Weather Station – PWS), i cili është blerë nga
mesi i Gushtit të vitit 2014.
Me anë të këtij instrumenti mund
të bëjmë parashikimin e motit deri në 24 orët e ardhshme si dhe
monitorimin e kushteve momentale i cili bën përditësime të shpejta, pra,
në kohë reale. Saktësimi për gjendjen momentale të motit në qytetin e
Gjilanit është 100% i saktë!
Blerja e stacioneve meteorologjike për 7 qytetet kryesore
Kosova,
si një ndër shtetet më të reja në Ballkan, ka një numër të madh
turistësh dhe ka atraksione të shumta turistike të cilat vlen të
vizitohen. Një ndër trendet globale para se një person të vizitoj një
destinacion, është edhe kontrollimi dhe marrja e informatave të sakta të
temperaturave dhe të motit në vendin ku ai person dëshiron të udhëtoj.
Kjo tashmë është bërë kërkesë bazike edhe për qytetarët e Kosovës kur
ata dëshirojnë të planifikojnë ditët e tyre, e po ashtu edhe bizneset dhe
organizatat të cilat planifikojnë aktivitete në terren të hapur. Fatkeqësisht,
në Kosovë nuk ekziston një rrjet i stacioneve meteorologjike të cilat
përçojnë informata të sakta për motin në të cilat mund të bazohen
qytetarët, bizneset dhe organizatat. Ekzistojnë vetëm dy stacione
meteorologjike, me të cilat përfaqësohet e gjithë Kosova dhe ndahen
informata të pasakta për motin në të gjithë Kosovën duke u bazuar vetëm
në këto dy pika. Njëra pikë është Aeroporti i Prishtinës “Adem Jashari”,
përmes së cilës ridatohen informatat e motit për qytetin e Prishtinës,
kurse tjetra pikë gjindet në pronësinë time, në Gjilan. Duke
parë mungesë të madhe të një rrjeti meteorologjik për Kosovën, unë kam
për qëllim krijimin e një rrjeti meteorologjik, i cili do të mbuloj
kushtet momentale meteorologjike në shtatë (7) qendrat kryesore të Kosovës:
Prishtinë, Gjilan, Ferizaj, Prizren, Gjakovë, Pejë dhe Mitrovicë. Këtë
qëllim do t’a arrijë përmes instalimit të stacioneve personale
meteorologjike , duke krijuar një platforme
online, ku këto informata do të mblidhen dhe ridatohen e bëhen të
qasshme për audiencën lokale dhe globale, si dhe ngritjes së vetëdijes rreth
meteorologjisë. Përmes këtij projekti, Kosovës do t’i jepet një rrjet
meteorologjik, i cili do të siguroj informata të sakta 100% rreth motit
momental, me përditësime nga stacionet meteorologjike në të gjithë
Kosovën në kohë reale. Këto informata, do të përdoren nga turistët dhe
qytetarët e Kosovës.
Qëllimi i Projektit
Në
Kosovë ndodhin evente të hatashme meteorologjike, shumica e të cilave
nuk mund të parashikohen saktësisht si rrjedhojë e mungesës së
informatave të sakta meteorologjike dhe rrjedhimisht as popullata nuk
mund të parapërgatitet përkatësisht për kushtet klimatike. Si pasojë,
shpesh ndodh që në Kosovë të ketë bllokime të punëve të sistemeve të
ndryshme shtetërore, si ai i edukimit, institucionet zyrtare dhe
shëndetësore, etj. Me implementimin e këtij projekti, Kosovës do t’i
shtohet një rrjet efikas meteorologjik në të cilin qytetarët e Kosovës,
bizneset, dhe turistët do të mund të marrin informata rreth motit ditor
si dhe motit për disa ditë radhazi.
Krijimi i Rrjetit Meteorologjik
Përmes implementimit të stacioneve meteorologjike në shtatë qytetet kryesore në Kosovë, do të krijohet një mbulueshmëri e të gjithë Kosovës sa i përket parashikimit të kushteve meteorologjike deri në 10 ditë. Përditësimi i kushteve momentale meteorologjike do të jetë i vazhdueshëm (çdo 5 sekonda), kurse parashikimi i motit do të përditësohet çdo 15 minuta për motin e orëve dhe ditëve në vazhdim. Kjo do të rrisë bindshëm cilësinë e kualitetit jetësor në aspektin e të qenurit të përgatitur për motin në ditët e ardhshme.
Buxheti i Projektit:
- |
Stacionet Personale Meteorologjike (PWS) / 7 x 1,400 |
€ 9,800 |
- |
Weatherlink - Mjeti i transferimit të informatave për PC / 7 x 300 |
€ 2,100 |
- |
Meteobridge - Urë lidhëse për transferimin e informatave online / 7 x 500 |
€ 3,500 |
Total |
€ 15,400 |
Meqenëse deri më sot nuk kam marr ndonjë mbështetje nga institucionet
tona, andaj e vetmja mënyrë që nuk e kam provuar është që t'iu drejtohem
juve!
Shpresoj ky projekt të realizohet me ndihmën e njerëzve të
vullnetit të mirë!
Organizer
- Valdrin Shala
- Campaign Owner
No updates for this campaign just yet