眾籌登報 向林鄭發聲

大家好，我係一個有心的高登仔。雖然已成老人，但對香港尚存一份武勇之心。

我尋晚係度開左個＜香港高登討論區網民致特首林鄭月娥之公開聲明＞（https://forum.hkgolden.com/view.aspx?message=7079745），好高興得到眾多巴打絲打認同，出力幫忙，亦多謝高登管理團隊接受我的任性，比我用高登名義去繼續做呢件事。

呢個眾籌的目的，係想回應眾多想將聲明登報的網民，我地問過蘋果，A1全版將會需要45萬，所以呢個就係我地的目標。

圖檔文書校正排版等現正火速進行，我期待可以係百萬遊行一個月紀念日，亦即7月9日可以於報章刊登，如果幸運達標而有多的錢，或不幸地不達標，所有支出將會列明，餘款將會以網民名義轉捐至＜612人道支援基金 612 Humanitarian Relief Fund＞（網址為https://www.facebook.com/612Fund/，前身為反送中受傷被捕者人道支援基金 Anti-Extradition Protest Trust），以幫助所有因運動而被捕或受傷之抗爭者。為左香港，希望大家支持。

希望各位多有多捐，少有少捐。因為期望係7月9號就出街，我地要盡快知道究竟眾籌能否成功，而小弟財力接近為零，眾籌時間只能安排兩日至星期一中午完結，以安排預付事宜，請見諒。