Help Me Walk Again

Magandang araw po sa inyong lahat. Ako po si Kevin Kelly C. Carpio, edad 22 gulang at kasalukuyang nanunuluyan sa maliit na barangay ng San Pablo, Sto. Tomas, Batangas. Narito po ako ngayon upang ibahagi ang aking kwento at nagbabakasakali po ako na matulungan ninyo sa aking magiging operasyon na maaaring magpabago ng aking buhay.

Nagsimula po ang lahat nung ma-diagnose ako sa sakit na osteosarcoma o kanser sa buto. Bago po ang lahat ng iyon ay isa akong simpleng tao na may malaking pangarap sa buhay. Nais ko pong makapagtapos ng aking pag-aaral upang matulungan ko ang aking pamilya. Pangarap ko pong maging isang accountant ngunit nagbago ang lahat simula nung tinamaan ako ng sakit na cancer.

Naalala ko pa po nung mga panahong maayos pa ang aking kalagayan. Malaya kong nagagawa ang mga bagay na nais kong gawin. Isa na rito ang paglalaro ng basketball, pakikihalubilo sa aking mga kaibigan at kapamilya, at siyempre ang aking pag-aaral. Ito ung mga bagay na nais kong balikan kaso hindi ko magawa dahil simula nung nag kasakit ako ay hindi na naging normal ang aking paglalakad.

Halos mawalan na ako ng pag-asa. Hindi na alam ng aking mga Mahal sa buhay kung saan lilikom ng malaking halaga para sa aking operasyon ngunit sa awa ng Diyos, napagkalooban ako ng operasyon kung saan inoperahan ang aking kaliwang tuhod at tinangal ang nabuong cancer kasama ang aking knee cap. Naging matagumpay ang aking operasyon. Natanggal ang aking kanser ngunit kailngan kong gumamit ng saklay dahil hindi ko na naigagalaw o naibebend ang aking binti. Yung mga simpleng bagay na nagagawa ko dati ay hindi ko na magawa ngayon dahil sa nangyari. Sobrang daming nakakamiss na gawin pero hindi ko magawa sa kadahilanang hindi ako kumportable sa situation ko. Hindi ko inaasahan na mag kakaron ako neto kasi wala kaming lahi na may cancer at healthy living naman ako.

Sa ngayon yung bakal na nakalagay sa tuhod ko ay malapit ng maputol. Walang makapagsabi kung hanggang kelan ang itatagal nito. Kapag ito ay naputol, magiging delikado ito sa aking kalagayan ayon sa mga doktor at eksperto.

Muli po akong kumakatok ako sa inyong mga puso upang matulungan ninyo ako sa panibagong hamon na aking tatahakin. Kailngan na pong mapalitan ang bakal sa aking tuhod. Sa inyiong tulong ay muli na akong makakalakad at maaari ko ng ipagpatuloy ang aking mga pangarap sa buhay.

Ang mga tulong po ninyo ay panibagong pag-asa sa aking buhay. Anumang halaga na mabibigay napakalaking tulong na po para sa aking operasyon. Maraming salamat po sa inyong lahat. Pagpalain po sana kayo ng Poong Maykapal.

Sa mga nais pong magpahatid ng tulong ay maaring niyo pong ibigay.