Help us rebuild our Home

March 6, 2018, nasunog po ang aming tahanan. Isa po kame sa daan daang pamilyang nawalan ng bahay dahil sa napakalaking sunog na nangyare Brgy. Botocan Quezon City.

Sa awa po ng Diyos, ligtas po ang aming pamilya. Bukod po sa TV, wala na po kameng naisalba. Natupok po lahat ng aming mga gamit kasama na po ang maliit po namen na tindahan. Tanging suot na damit lang po ng aking pamilya ang nadala.

Ako po ang panganay sa aming pamilya at tumatayong breadwinner. Ako po ay isang regular na empleyado sa isang bpo company. Nailabas na po namen ang lahat ng pera naitabi namen at naumpisahan naman na po kahit papano ang aming tirahan sa tulong din po ng kamaganak at malalapit na kaibigan, kahit ganun pa man po, kinapos padin po kami. Napakarami pa pong dapat bilihin at isaayos sa aming bahay. Wala pa pong kuryente at open pa po ang ilang bahagi ng bahay na tinatakpan nalang mga malalaking tela.

Humihingi po ako ng tulong sa inyo para matapos po ang aming tirahan at makapagumpisa ulit. Lubos po kami na nagpapasalamat sa mga tumulong at nais pang tumulong. Godbless.