癌症病人想你幫(美金黎架喂)

對唔住，呢個account我因為安全問題都係叫朋友幫我開，係而家呢個情況之下我都唔可以透露太多關於我自己個人資料，因為畢竟唔知道會唔會有人直接搵到我真身出黎，所以暫時為止我都盡量係信得過嘅地方做檢查。我簡單描述一下我而家情況，盡量都係想表達比大家知道我有去睇醫生同埋份報告好撚長就算，希望大家見諒。

我上年年尾開始發現有癌細胞，但因為身體都未有感到任何不惜，(都仲跑得唔慢)

我份人比較樂觀，所以都諗住等成個社會情況無咁緊張先再打算。我同屋企人係運動初期已經無再聯絡，得返一個後勤女友係身邊(我無同佢提及過我身體有事)，而我地都辭左份正職，大家都以副業形式打工，希望做到隨傳隨到。

早幾個月，女朋友同我講我要做人老豆

開心就一定啦，係呢個時候我先記起自己要去覆診，我再去睇多次醫生，醫生話已經擴散得好快去到好多地方。

請原諒我要將份報告遮到咁撚樣，呢份係只係其中一張。

雖然要等人捐器官比我就應該要等到2046，

咁醫生所介紹嘅藥就政府唔包，要自己比，而呢隻新藥嘅成功率都唔細，所以想把握好時間。(呢個數目唔係我貪心，我自己都估唔到cancer會醫到傾家蕩產)

我唔識得點樣好嚴肅去講，咁大個仔都未試過同人求救，所有事都係頂硬上，係今次原來已經要做人老豆先發現唔係咁撚簡單，未見到佢就已經知道原來自己就算餓，但隔離個兩個真係連唔飽都唔得。

我真係唔放得更多資料出黎，都答唔到太多好深入嘅問題，就算問個個係手足，都唔代表無mon post狗睇緊。

我會一邊賣血一邊儲錢比個小朋友讀書同女朋友日後生活費。

我希望可以比多個機會我去照顧佢地兩母女同繼續守護香港。

我在此承諾，個小朋友出世之後我會係網上網收集各兄弟姊姊意見個女要改咩名。