自己年宵自己搞！

舉辦日期：2020年1月17-24日 (暫定)

當日會收取＄20入場費 (所有支持此Project啟動資金的人當日可憑確認電郵免費入場)

舉辦時間：12:00-22:00

舉辦地點：觀塘(暫定)

先睇一段資料：「由於香港的年宵市場已舉辦多年，檔主們已有一個默契，就是只會投回自己的檔位，以方便顧客。故此，如有外來競爭者加入競投，檔主們都會以不友善的目光對待外來競爭者，甚至以粗言穢語及暴力對待，令其知難而退。」

年宵，絕對係香港人既必需。

1. 形成投資-消費-盈利-再投資既循環，任何健康既經濟圈都需要循環，不能是死循環，而係需要外來消費、投資，再用於投資自己既經濟圈。

2. 提供比公眾認識、了解、學習並且消費既機會，不再止於網上地圖，而係真正既認證平台，附上更嚴格既審核機制，選出真商家，再排除年宵充斥大量淘寶貨既問題，可謂一舉兩得。

3. 大大力話比所有人知，經濟圈已經默默發展到咩規模，已經到達公眾無法忽視，更加係已經成為生活既一部分。呢個行動除左顯示實力之外，還可以令好多中立商家動搖，正式確立基礎。

-------------------------------------

零售需要展覽

展覽是指陳列物品並於特定時間內供人參觀的集會，為一種大型項目管理及社交活動，其活動展示商品、藝術、公司組織形象及服務。 參予者、參觀者之間互動交換資訊，達到認知、認同，交易

提供大量工作機

檔主要請人，主辦方亦都要。根據場地大小，預計會創造200-800個短期工作機會，我地承諾會以高於市價聘請有經濟困難或者需要工作機會既手足。跟住就收益而定，創造30-150個長期工作機會。

場地優惠

香港零售環境低迷，展覽、旅遊、餐飲、零售大受影響，不少業主願意以優惠價租出場地。目前我地聯絡到並有興趣既包括係尖沙咀、旺角、荃灣、中環、觀塘、荔枝角等幾個場地都表示有興趣，並提供低於市價20-50%提供場地，大小由8000呎到30000呎不等。

相較真正年宵安全

好多人或者會怕有蛇入場搞事，但你諗下，香港有14個年宵場地，包括多個經典示威地點，旺角、維園等，我唔信大家個啲日子完全冇行動，咁到時14個地點一齊開花，TG放題，政府到底保障自己收入定搞人？再加上係室內私人場所，保安相對較好，亦較難派鄉黑入場。

----------------------------------------

點解需要前期資金

-預計人數

我地需要一個可以量化，比我地估算到既人流去安排番當日既交通，現場工作人員數量及場地預留多少通道比人行。

-租賃埸地按金、場地佈置及保安

我地而家睇左幾個30000呎到40000呎不等既場，而因場地唔似由政府提供維園咁，所以我地開始時需要龐大的資金預繳按金去Book場，確保活動能順利舉行。

-市場推廣

為左令更多人知道今次「和你宵」呢個活動，市場推廣既資金係必不可少的，我地會因應集資到既金額扣除場地按金後部份用作市場推廣，包括但不限於在各大報章刊登廣告、搵KOL拍片宣傳、運用FB及IG廣告平台等等，如資金充裕會考慮係電視台落廣告。

-手足酬勞

雖然目前主辦方係義務性質工作，但我地希望之後黎幫手既巴打絲打們可以肯定地獲得合理的工作薪金，故前期資金可以讓我們有充裕的資金空間確保每一位工作人員都獲得應有的報酬，亦是經濟圈的重要一環。

-->分散風險

因為所有活動都是第一次舉行，以上四點能夠為租戶、主辦方及工作人員達成分散風險之用，因考慮到可能有很多小商鋪參加，故前期的準備資金可以令租戶不需預繳租金，不必承擔因意外而導致當日場地不能使用的風險。而扣除以上兩點的資金可以讓我們主辦法有充足的資金會應付各種突發情況，後備資金也是必需的。

----------------------------------------

資金運用及監察：

我們會聘請專業的會計師審核所有有關「和你宵」的開支，並於每季在FB專頁向公眾匯報資金情況、工作進度及財務狀況。

----------------------------------------

現正招募以下人士

1.公海/討論/參加者（會入黎行下都計）
https://t.me/joinchat/FaFDMRRL-zX1meeH7k85rw

2.檔主
https://t.me/joinchat/FaFDMRfFfj29536c2D4V6g

3.投資者
https://t.me/joinchat/FaFDMRW3Md3BSsA0nQMJFQ

4.義工
https://t.me/joinchat/FaFDMRS0Ia6WLuwAfyC2-Q