اولا .. اطمنكم ان صحة الوالد في تحسن - مازال تحت التخدير لكن تم فك التنفس الصناعي منه ويتوقع أن يستعيد وعيه تدريجيا في خلال ال٤٨ ساعة القادمة.

ثانيا، انا كتبت رسالة مفتوحة لوزير الصحة التشيكي - محتاج منكم تعملوا ليها شير بالذات في تويتر ... انا وصلت رئيس مجلس الادارة بتاع المستشفى عشان يعملوا تخفيض وكلامها انه فوقها فقط وزير الصحة وهو الوحيد القادر على اقرار تخفيض. وقلت ليها احنا بنصل وزير الصحة ... يا ريت بالذات تعملوا ريتويت للينك حق تويتر وفيهو mention للاكاونت حق وزير الصحة ووزارة الصحة ورئيس الوزرا ..

دي التويتة - اعملوا ليها ريتويت وضيفوا mention لأي جهات شايفين انها عندها علاقة - التويتة/التغريدة فيها لينك للخطاب المفتوح

https://twitter.com/kabaros/status/745724395717529602

برضو ممكن تعملوا ليهو شير على الفيسبوك

ده الفيسبوك حق المستشفى https://www.facebook.com/Nemocnice-Na-Homolce-2048...

وده صفحة وزير الصحة - https://twitter.com/kabaros/status/745611339322761...

المستشفى ببساطة ختتنا في موقف انه كان لازم القروش تتدفع وما عندنا خيارات لكن اسه بعد العملية في فرصة مناورة معاهم .. وحتى الدكاترة واقفين معانا ضد الادارة .. القروش البترجع ممكن يتعمل بيها مشروع يساعد ناس تانيين - سواء شخضيات عامة أو حتى مشاريع زي العاملينها شباب مستشفى الحوادث في الخرطوم - في ناس كتير بيتختوا في موقف زي ده وما بيكونوا محظوظين زينا من ناحية الامكانيات والصداقات.. في حاجات كتيرة ممكن تتبني من الزخم الحصل ده - تفاصيلها بنتفق عليها - لكن كل ما قدرنا نبني على الوصلنا ليهو في الحملة دي بيكون كويس.

طبعا التويتر والفيسبوك ما بينفع في دولنا وحكامنا التخين جلدهم - لكن الجماعة الطيبين ديل بيسمعوا ... فيا ريت زي ما ما بخلتوا بالدعم والمال - ما تبخلوا بالشير والريتويت.

مظفر