Bernard Grech – Elezzjoni għal Kap tal-Partit Nazzjonalista

Ilkoll nixtiequ nerġgħu naraw lill-Partit Nazzjonalista rebbieħ. Għalhekk dħalt għall-elezzjoni ta' Kap biex ningħaqdu, niġġeddu u nirnexxu.

Din il-missjoni li dħalt għaliha rrid inwettaqha bis-sehem ta’ kulħadd, tal-ħafna, u b’mod trasparenti. Għalhekk, irrid nagħmel il-ġbir tar-riżorsi għall-kampanja tiegħi xempju ta’ kif irrid naħdem fil-partit jekk ningħata l-fiduċja - xempju ta’ għaqda bis-sehem ta’ kulħadd, u xempju ta’ ndafa u trasparenza.

Permezz ta’ din il-pjattaforma inti tista’:

• Tikkontribwixxi, anke b’ammont żgħir, fuq pjattaforma leġittima
• Tagħżel li tibqa’ anonimu
• Ikollok rendikont ta’ kif intefqu l-fondi li nġabru

Għal dan kollu japplika l-limitu ta’ €250 għal kull kontribuzzjoni. F’każ ta‘ donazzjoni b’ammont ikbar, id-differenza tiġi rrifondata.

Kull ċenteżmu li ma jintużax se nagħtih b’donazzjoni lill-partit wara li tintemm il-kampanja għal Kap. B’hekk, mhux biss tkun qed tgħin lili imma wkoll qed tgħin lill-Partit Nazzjonalista.

Għalhekk qed nitlob is-sehem żgħir tiegħek, għax is-sehem żgħir tal-ħafna hu sehem kbir.

Ejjew ħalli nilħqu lil kulħadd u mmexxu il-messaġġ għal partit b’saħħtu – flimkien.

Grazzi mill-ġdid,