2016年立法會選舉呈請費用眾籌

賴綺雯喺2016年獲提名參選立法會選舉，因被取消資格而提出選舉呈請。現需眾籌港幣16萬，以支付律政司追收我佢處理呈請時嘅開支（註：律政司開支費用為港幣15萬，眾籌網站及手續費為每筆捐款嘅約7%，所以眾籌網站籌募金額為港幣$160,000。），多謝您慷慨幫忙！

— 關於賴綺雯 —

賴綺雯喺2003年遊行反對23條立法，2012年反對所謂國民教育等各項唔啱嘅禍港政策。喺2013年，中國多次違反《中英聯合聲明》，賴綺雯創立香港歸英運動，多次到英國駐港領事館示威並發動聯署，要求英國履行對香港及香港人嘅責任，包括因應中方嚴重違反《中英聯合聲明》，要求英國政府收回香港，同時發還英籍港人居英權，並在香港未能恢復英國主權嘅情況下，全面支援港人移居英國，之後亦爭取給予香港嘅英國國民（海外）嘅子女英國公民身份。

賴綺雯喺2015年成立香港保守黨及貫徹主張參選2016立法會選舉，其後被選舉主任取消資格，成為首批被取消資格嘅參選人之一。賴綺雯就是次被取消資格而提出選舉呈請，及後因為法援署唔批出法律援助而未能喺法律尋求公義。喺2020年立法會選舉，賴綺雯再次參選，但選舉推遲舉行。