[香城購物指南]整合全港藍絲紅底餐廳既地圖app

點解要做

我地係一班係4As做緊Marketing既打工仔，希望可以做D野對抗當權者，我地相信消費既力量可以好大，每個人每一日每一蚊都有權改變個局勢，所以我地要將D資源集中係自己人到。如其係將D錢流左去共狗個袋到，不如幫襯香港人同良心企業等佢地可以繼續支持我地。

除左日牛，吉野家之外其實有巴絲都keep住出post話要扺制藍絲同紅底餐廳，但係資訊量太多，下下要記住邊間係藍絲紅底又好煩，最後好多話會罷食既餐廳都不了了之。另一邊廂有好多在值得幫襯既餐廳都冇機會比多啲人認識到。

之前有一眾巴絲好有心機咁做左個My Map出黎比人消費前check一check餐廳係咩色，但係因為缺乏設計師同開發人員，令到用戶體驗同檢舉流程未如理想，所以我地做緊一個更加清晰同可用既版本出黎等巴絲同普羅大眾都可以用到，我地要連登以外既支持者全部都齊上齊落！

由於時間關係，我地自資左D錢比有經驗既設計師同開發人員做緊野。

Version 1 主要功能

• 搵下間鋪有冇不良記錄

Search餐廳，鋪頭名，或者用地圖睇下附近有咩值得注意既黑店

• 查看檢舉人數同証據

用人"公"智能技術分析可信性同証據真偽

• 輕鬆檢舉，抵制奸商

提供相片，影片或錄影即時上傳比其他用戶睇到

戰略定位

個App既定位係要connect埋淺黃同中間派，令佢地加入抵制行動。有好多淺黃同中間派未必會因為商店既政治立場而影響消費決定，所以檢舉種類將會包括衞生，服務態度之類的問題，好多藍絲茶記既衞生都好差，到時歡迎各位巴絲做個良好公民，嚴格審查檢藍絲同紅底餐廳既食物衛生。

有錢出錢 有力出力

由於設計，開發，文宣，落廣告(facebook,youtube,google etc.)，app上架全部都要開支，我地幾個可以付出到既有限，所以希望大家可以幫手集資，每人少少將呢個app變推出世。

我地眾籌目標係三十萬，會全數攞黎做個App

啲錢係會咁分配既：

設計 $50,000

• 用戶體驗及介面設計

開發 $200,000

• Front End開發
• Back End開發（連接 API）
• AWS
• App Store / Play Store 上架費

宣傳 $50,000

• 平面設計
• 整宣傳片
• Google Ad
• FB / IG Ad
• 網媒
• 紙媒
• 街站

另外我地希望有料可以報既巴絲可以幫手儲data，用下面張google form報料比我地知有咩藍絲同紅底餐廳/商店，請upload相/片/錄音做証據，到時會係個app到顯示。任何一個巴絲都可以幫手檢舉有關商戶，呢樣嘢需要大量人手支持。

提供檢舉資料既link:

https://forms.gle/UW18mB5hpL7ZuYU87

最後誠邀各位有專業技能嘅巴絲幫手:

1. 平面設計師（文宣部）

2. Copywriter（文宣部）

3. 程序員

留contact既link:

https://forms.gle/eCNUh83HhEwW22fv6

仲有一件事大家可以出力既，其實到而家我地都未諗到個App叫咩名，求集思廣益，諗個名出黎。

時間表

設計

宜家個app既設計同已經開始左，預計8月中就會完成。

開發

Frontend工作會係設計完成後開始，已經搵左人。宜家同緊backend既開發人員傾緊security同performance問題，考慮緊用AWS。預計9月中完成開發，9月尾完成測試。

上架發佈

預期Play Store同App Store上架日期為10月頭，但審批需時有可能會因應google同蘋果要求可能有delay。如有上述問，到時將會先行開放apk比android用戶用先。

廣告及宣傳

我地會係開發緊同時，係各大網站同媒體落廣告（絕對唔會落CCTVB），務求連登以外既人都知道而家有呢個app。主要都係會係網上做宣傳，除左FB同Google既Ad之外，打算落埋蘋果同立場，之後再擺街站等多啲和理非都知道。仲有好依靠大家share出去，你地身邊既人都知。

維持盈平

呢個app要持續發展需要一定資金維持營運(Hosting, updates etc.)，所以會考慮落廣告。扣除盈運開支後所有收益將會捐去612人道支援基金同何韻詩慈善基金(平均分配做風險管理)。