哲學係咁傾

出現了，「全新」節目《哲學係咁傾》出現了！
哲學可以係咁傾落去的，哲學亦係咁樣傾的。
自家制作、自己經營，一手一腳，由頭到尾，都係我哋。
我哋真係好想講落去，而如果要講到落去，好需要大家嘅支持。
我哋希望試試拍一季節目，而一季會有三十至四十集，而拍嘢要人啦機啦燈啦場啦，所以要錢。
我哋希望眾籌六十萬，平均一集1.5至2萬，其實未必好夠做，但都盡做。
籌夠就開拍！

——我們是誰？——
原港台電視31學術清談節目《五夜講場：哲學有偈傾》主持班底，重新出發，再次開拍哲學清談節目。
由2017年開始，我們共拍攝了五季共了132集的《哲學有偈傾》，有邀請各範疇的嘉賓到來討論，也有主持之間的內部激辯。
有你們支持的話，我們希望可以像這五年一樣，逢星期一晚上和大家一齊討論哲學，反省由人生到社會、由知識到世界的種種議題。

• 豬文：「我真係好鍾意傾偈㗎。」
• 泉：「仲有得傾就繼續傾。」
• 鹽：「我好鍾意呢個空間，一個可以離開煩瑣嘅生活，一齊討論哲學、一齊思考嘅地方。我希望嘅唔係可以講多一次、講多一季，而係真係可以一齊不停討論落去。」
• Roger：「改變世界，梗係由認真傾偈開始啦！」
• 李四：「畀我講多兩句可以嗎？」